Аб анлайн-сустрэчы парламентарыяў Беларусі і Калумбіі
12.11.2025 г.12 лістапада 2025 г. пры садзейнічанні і ўдзеле Часовага паверанага ў справах Рэспублікі Беларусь у Рэспубліцы Калумбія Кацярыны Смаль праведзена анлайн-сустрэча членаў рабочай групы Нацыянальнага сходу Рэспублікі Беларусь па супрацоўніцтве з парламентамі асобных дзяржаў Цэнтральнай і Паўднёвай Амерыкі з Парламенцкай групай дружбы паміж Палатай прадстаўнікоў Кангрэса Рэспублікі Калумбія і Палатай прадстаўнікоў Нацыянальнага сходу Рэспублікі Беларусь.
Бакі абмяняліся думкамі аб стане і перспектывах двухбаковых адносін, абмеркавалі актуальныя пытанні заканадаўчага парадку дня Беларусі і Калумбіі, а таксама напрамкі парламенцкага ўзаемадзеяння, якія павінны садзейнічаць развіццю супрацоўніцтва ў сферах гандлю, сельскай гаспадаркі, аховы здароўя, адукацыі, спорту і турызму.
Асаблівая ўвага ўдзелена пытанню рэалізацыі Пагаднення паміж Урадам Рэспублікі Беларусь і Урадам Рэспублікі Калумбія аб узаемнай адмене віз для кароткатэрміновага знаходжання, якое накіравана на спрошчанне ўзаемных паездак грамадзян і ўмацаванне сувязяў паміж дзвюма краінамі.
Суразмоўцы выказалі гатоўнасць да далейшага паглыблення міжпарламенцкага дыялогу і развіцця канструктыўнага ўзаемадзеяння, накіраванага на ўмацаванне дружбы і ўзаемаразумення паміж народамі Беларусі і Калумбіі.
