Гуманітарнае і навукова-тэхнічнае супрацоўніцтва

Паспяхова развіваецца гуманітарнае і навукова-тэхнічнае супрацоўніцтва. Наладжваецца ўзаемадзеянне ў сферы барацьбы з надзвычайнымі сітуацыямі, навучання і перападрыхтоўцы спецыялістаў, по арганізацыі адукацыйных і культурных абменаў, а таксама вядзецца праца аб магчымасці падпісання дакументаў аб супрацоўніцтве паміж вышэйшымі навучальнымі ўстановамі Беларусі і Калумбіі.

У чэрвені 2020 года адбыўся першы міжнародны дыстанцыйны навучальны курс «Рэагаванне на інцыдэнты з выкарыстаннем небяспечных біялагічных, хімічных і радыеактыўных рэчываў», распрацаваны для калумбійскага боку спецыялістамі Універсітэта грамадзянскай абароны МНС і Беларускага дзяржаўнага медыцынскага ўніверсітэта пры садзейнічанні Пасольства Беларусі.

У мерапрыемстве прынялі ўдзел больш за 100 прадстаўнікоў не толькі з Калумбіі, а таксама з Эквадора, Перу, Мексікі, ЗША, Вялікабрытаніі, Канады, Германіі і ААЭ. У курсе прынялі ўдзел кіраўнікі і супрацоўнікі міністэрстваў абароны, аховы здароўя, паліцэйскай і іншых спецыяльных службаў, адміністрацыі прэзідэнта Калумбіі, офіса па рэагаванні на надзвычайныя сітуацыі, офіса па каардынацыі мер супрацьдзеяння распаўсюджванню COVID-19, а таксама навуковых арганізацый краіны.

У кастрычніку 2021 года Беларусь і Калумбія падпісалі Мемарандум аб узаемаразуменні паміж міністэрствамі культуры. Гэты дакумент стварае аснову для наладжвання ўзаемадзеяння ў сферы культуры і сучасных тэхналогій, абмену мастацкімі калектывамі, правядзення сумесных мерапрыемстваў.

22 чэрвеня 2021 года ў Дзень усенароднай памяці ахвяр Вялікай Айчыннай вайны ў вядучым культурным цэнтры г.Багата “Cinemateca” праведзены паказ мастацкага фільма «Брэсцкая крэпасць», які быў цёпла ўспрыняты калумбійскай публікай.